27 шуркынмон толэзе, быдэс дуннеын удмурт кылмылэн нуналыз.
29.11.2019
Куке соку, кемалась - кемалась вашкала дыръёсы, удмуртъёс кылдытиллям анай кылмес. Со тырысен коня чебересь кырзанъёс, веранъёс но нокылбуръёс гожтэмын. Кыче чебер но небыт та удмурт кылмы. Вордскем кылмы юрттэ асьмелы ого огмес умойгес валаны, матэгес луыны.
Туннэ ми кенешчиос, мерлыко ужез нуисьёс ортчытимы пумиськон Глазов ёросэн кивалтисеныз В.В.Сабрековен. Рос - прос учкимы "Гурт адями 2019" конкурслэсь положенизэ, кудзэ радъяло Удмуртиысь Журналистъёслэн огазеяськонзы но "Удмурт дунне" газетлэн редакциез Президентлэн грантъёсызъя фонд юрттэмъя. Куинь оръя номинацие ёросын улисьёсты но ужасьёсты быръймы. Эшъёс, удмуртъёс но мукет калыкъёс ти ваньды быгатиськоды та ужрадэ пыриськыны. Пыралэ "Удмурт дунне" газетлэн сайтаз. Нош туннэ ми ваньдэсты зечкыласьком удмурт кылмылэн нуналэныз. Асьмеос ваньмы узыресь но шудоесь; кык кылэз тодиськомы, вераськиськомы. Озьы ик тырше, дорады но семьяын но. Данъяське удмурт кылэн!